Kawi Ceu hi 2015 September thla ah US a phan. Tialku hi 2019 ah US a phan ve. CEBC khrihfabu an member an si veve i khrihfabu chung cawlcanghnak le mino cawlcanghnak ah an si khawh tawkin an cawlcang ve.
CEBC khrihfabu cung an thutdirnak in ai theimi an si i 2021 ah dawtnak khual lam an thok ti. Kum zeimawzat a rauh hnu, 2024 ah hamnak (engage) an tuah i, a tu bantukin 05,24,2025 ni ah Pathian hmai ah chungkhar dirh an thok.